Doris Eaton Travis

Doris Eaton Travis
Vida
Nacimientu	Norfolk, 14 de marzu de 1904[1]
Nacionalidá	Estaos Xuníos
Llingua materna	inglés
Muerte	Michigan, 11 de mayu de 2010[2] (106 años)
Sepultura	Michigan
Causa de la muerte	Aneurisma
Familia
Hermanos/es	Charles Eaton Pearl Eaton Mary Eaton
Estudios
Estudios	Universidá d'Oklahoma Universidad de Oakland (es)
Llingües falaes	inglés
Oficiu	actriz, baillarina, actriz de teatru, modelu, actriz de cine, cantante
Creencies
Relixón	ciencia cristiana (es)
IMDb	nm0247811

Doris Eaton Travis (14 de marzu de 1904, Norfolk – 11 de mayu de 2010, Michigan)^[3] foi una actriz teatral y de cine d'Estaos Xuníos, amás d'instructora de baille y autora. Foi la postrera de les sobrevivientes Chiques Ziegfeld.

Travis empecipióse como actriz teatral siendo neña, debutando nel circuitu de Broadway a los 13 años d'edá. Un añu dempués, en 1918, pasó a ser la más nuevu artista en trabayar pal espectáculu Ziegfeld Follies. A lo llargo de les décades de 1920 y 1930 siguió actuando nel teatru y nel cine mudu, y en 2010 yera, xunto a Miriam Seegar y Barbara Kent, una de les últimes actrices non infantiles sobrevivientes de la dómina del cine mudu.

Cuando la so carrera como intérprete tornaba, empecipió una segunda carrera como instructora de baille de los Estudios de Danza Arthur Murray y como presentadora de televisión en Detroit. La so asociación con Arthur Murray duró tres décades, mientres les cualos ella consiguió llegar a dirixir una cadena de cuasi venti escueles. En retirándose de la enseñanza dedicóse, al pie del so home, a la direición d'un ranchu de caballos, volviendo retomar los sos estudios y consiguiendo dellos títulos.

Nos sos últimos años Travis volviera a la vida pública. Como última Chica Ziegfeld viva, apaeció en dellos llibros y documentales sobre les Ziegfeld Follies y les sos otres actividaes teatrales. Eaton Travis tamién volvió al teatru en gales benéfiques de la organización Broadway Cares/Equity Fights AIDS.

1. ↑ Afirmao en: Internet Broadway Database. Identificador de persona d'Internet Broadway Database: 39166. Apaez como: Doris Eaton. Data de consulta: 9 ochobre 2017. Llingua de la obra o nome: inglés.
2. ↑ URL de la referencia: http://www.nytimes.com/2010/05/12/arts/dance/12travis.html.
3. ↑ Jones, Kenneth and Simonson, Robert."Doris Eaton Travis, Among the Last of the Ziegfeld Girls, Dead at 106" Playbill, 11 de mayu de 2010